ژړا او اوښکې

ژړا  ضرورعوامل  لری !  ژړا عوامل  په زړه او فکرباندي  حملې   راوړی او د خپلې  استیلا په اثر دبدن  څه  رئیسه مراکز  نیسی ، فشار ورباندې  راولي او پدی مجادلې کښی کثیف حرارت تولیدیږی ،  دا حرارت په خپلو څپو کښې  د زړه او مغز و په  عروقو  ، شراینو او  پردو کښې   دود  وهلی  بخار جوړوي   او د دردناکو هیجاناتو  په اثرکله  آهونه  او سیلی  پیدا کوی  او د اوښکو  سیلاب  ورڅخه  جوړیږي  .

دسترګو پرزي  ورانوی ، سوزوی ئی او د نورو مراکزئی خرابوی ، په مخ  اوښکې  بهوی او کله ګریوان او ګریوانونه هم لمدوی او د ویرونواو واویلاؤ  موجب کیږ ی  او آخر ضرور په خپل تلاطم کښی د خلاصون د چاری فکر او نظر زیږوی ، روزی ئی  او د رشد مرتبی  ته  رسیږي  او حتمآ د تحولاتو  او تطوراتو  موجب  ګرځي  .

د ژړا  عوامل :

د ژړا عوامل  پوره  د حساب او کتاب  لاندی نشي  را تللی  او نه کیدای شي چه  د هر چا  د زړه  او فکر دردونه  او نارامی په پوره کم او کیف رسم  او ثبت  شي .

افسوس !!

دا بیچاره انسان چه د مجادلې   لیاره  ورباندی حصره شي  نو اکثره دبی اسری  توب  او نامیدی  په حالت کښي   په ژړا او اوښکو تویولو پیل و کړی ، دردئی  ځوروي  ، تاثیرات ئی  لړځوی ،غمونو پسی اخستی  دی ، چاره  ورسره  نشته ،مرسته  ورسره نه  کیـږی ،  څوک ئی   دلاسه  او تسل  نه کوی  او یا د تسل  او دلاسه له  مرحلي  څـخه ئي  در دونه  او تاثیرات  زیات شوی  دي .

افسوس !!

د  دی بی  وسعی  انسان  په  زړه  او فکر  کښي   ډیر څه  ګرځي   ، زړه ئی ډک  دی ،  حوصله ئی  نشته  ده ، لیاره  او ګدر  ورڅخه  خطا  دی ، او دننه  ناوړه  نفسی  انفعالات ئی  ځوروی  نو دیته قهرآ مجبوره دی  چه ولی شي  ، وژاړي   او اوښکی  توي  کړی او کله د ده دارڼی او ښکي  دوینو ګلابی رنګ هم آخلي    .

افسوس !!  

د انسان ژوند  کله  د ژوند په  قیمت  نه  ارزی .

اف ....  داسی ژوند خو خوند  نه لری  ځکه چی دا د ځورولو او کړولو ژوند دی ، او د افاتو ، بلیاتو او مصیبتونو د نوم  وړ ښکاري .                      

دا ژوندئی په مړو حساب دی چی څه ئی د لاسه نه دی  پوره ، څه نشی کولی   او د ځان  د خلاصون  چاره  ور سره نشته  ده  نو  په  مړو سترګو ژاړی  او د  زړه  او فکر  د تاو  اوتب  دلاسه  اوښکي  تویوي .

دا د اوښکو څاڅکي   هسی عادی څاڅکي   نه دی !

دا څاڅکي  هسی په مفته نه  توئیږي ؛ دا څاڅکي  بی تا ثیره نه دی نو ارومرو  به  خپل  مثبت او منفی تا ثیر اچوي .

 دا ژړا او اوښکي  که ژړونکي  ځوروي  نو حتمآ خپل  لیدونکی  پاروي  او په  عاطفوی  احساساتو ئی راولي  .

دا ژړا  او اوښکي  د زړه او فکر داور د سختو لمبو  د بخار نښه  ده چی حتمآ به د اعتدال په صورت کښی پخول او د افراط په صورت کښې  سوزول کوی .

ته !  هـــو ته ؛   پدی  باور وکړه  که  درته ونه  وایم  چی وژاړه  دا به هم  ایمانآ   او  وجدانآ  و نه وایم  چی  مه ژاړه ، ځکه  چی  زه  پو هیږم چی ته  بی موجبه   نه ژاړی  او ستا    ژړا  موجبات هم ناروا ندی،  نو حتمآ  ژاړی  !!!!

زه هم  که نور څه  نشم  کولی  ؛  ضروربه   در سره  ژاړم   او په  دی  باور  لرم   که   نور  صالح  عناصر هم  څه  ونشي  کړی ،  در سره  به  و ژاړی  چي  په  نتیجه  کښې   دوی ټولو اوښکو  څخه سخت  طوفانی  سیلاب  جوړ شي  او د  ژړا  اسباب  او عوامل  به له مینځه  یوسي  .   

ژړا ه  که  ژاړې !                                                                      

ژاړم  که  ژاړم   !                                                                    

 ژاړې  که  ژاړې !

خو  د ژړا  سره  سره  باید  فلج  او بی  حرکته  پاتی  نشو  ، تر څو د خوښي   او خندا   فرصت  او  موقع  په  لاس راشي  .

سعید افغاني  ، د ۱۳۶۵ هجري شمسي  کال  

  کابل ــ خیرخانه مینه   

said-afghani@gmx.de
stratgeitudies@csyahoo.com

د سعید افغاني د سولی او تفاهم نشراتي ارګان  
 د نشراتي بورد  تر څـارنی لاندی  خپریږی .

  مؤسس        :  د حق دلاری کلتوري مرکز
 مسؤول مدیر   :  برهـان الدین  « سعیدی »

د تأسیس کال