د آزادی پیاوړی مجاهـد مـولانـا عبدالمجید

خــدای بخښلی غازی عبدالمجید « رحمهّ الله علیه »  د مــلا سید امــیر زوی  زمونږ دهیواد یو دینی عـالم ، مشهو رمدرس ، د اس تقلال پــیاوړی  مجاهــد او د تصوف  « قــادریه طریقی »  مشایخـوؤ  څــخه  وه .

مولوی صاحب !  د وطــن  د آبادی او آزادی  له پاره ئی  نه  هیرونکی  خدمتونه  کړی  او هـــم  د  هــغه  د «  پوهــه ،  میـړانی ،   تقــــوی ، پرهـــیزګاری ،  اخـــلاص  او  محبت  »   فیض او  برکت  څــخه ،  په  سلګونو د هــغه «  مــریدانو . مخلصانو ، شاګــردانو  او  دوستانو  »  برخمــن   شوی  دی  

عــلامه  محمد سعید « سعید افغانی »   چی  د غازی  عبدالمجید  مشر زوی  دی ،  د خپل کتاب  کښی  چه «   زما  ژونـــد  »  نومیږی  او  د «حــق د لاری »  کلتوری ټولنی لخوا  په جـرمنی  کښی  خپور  شوی دی ،  داسی  لیکلــی  : 

( زما مرحوم پلار مولوی عبدالمجید  د مـــلا سید امیر  زوی  ،  په  قام صافی ، د لغمان د ولایت  د عمرزیو  په قریی او دخیرآباد  په کلی کښی اوسیده ، او دی  د خپل  پلار څخه  چه د  وخت  تکـړه  او مشهور عالم وه ،  یــوی ځـوی  صغیر  پاتـی  شوی  دی .

زما مرحوم پلار   پس  له  دی  چه  ابــتدائی  زده   کــړی  له  مختلفو‌ؤ مشهورؤ  روحــانیونه  تکمیل  او ښایسته  ښه مـلا  شو ، بیا د  عـــالی زده  کــړو د  پــاره   پیښور «  پاکستان  »  تـــه  ولاړ  او هــلته ئی  د « معانیو ، لوی منطق ، حکمت ، تفاسیر ، احادیثو ،  فقهی ، اصــول  ، ریاضی ، تجــوید  او  نـور علــوم   »  د ښو  پیـــاوړو  استادانــو  څخه و لـوستل  او د «  مـولـوی  »  درجـه  او پکــړئی د علــماؤ په  رسمی غـونډی  کښی  ترلاسه   کـــړه ، او  وطــن  بیرته  راستون   شو .

زما  پــلار د وطــن د استقلال او آزادی په  جهاد  کښي  پـوره   موثره  بر خه در لـــوده  او دخپلـو  قومی  ځــوانانو ،  مشرانــو ،  شاګردانــو او پیرانو  سره د انګلیسانو په  مقابل  کښی د  مشرقی  سیمه  کښی  په  خصوص  «  ډکی  ، تورخم ، او ناقی  »  په سیمو کښی  پوره  میړانی  جنګید لـــی  دی  .

زما پلار د ملای  لنګ د شورش په وخت  کښی ، هــغه  وخت  چی ده  د امیر امان الله په ضد شورش  جوړولو او په پغمان کښی  جرګه جوړه شوه  ، دی دخپل قام  او دلغمان  د ولایت  د علماؤ  او خلکو په  وکالت رسمی  و کیل انتخاب شو  او دهغه  وخت  په لویه  جرګه   کښی  فعاله برخـــه  واخیسته .

و روسته   له  دی چی   جرګـی ختمه  شوه ،  د  امان الله  خان  دولت  زښت زیاد  کوښښ  وکړ ترڅو  دی په  دولت کښی  رسمی  ډنډه  قبول  کړی  ، امــا  په  ډیر معزرتونو  ورڅخه ئی  ځان  خــلاص  کړه ، حتی  دی  ته  په خاص  ډول  د  قضا  په عـرصه  کښی هــم  څـو څــو واری  د  رسمی کار کولو  دعوت  وشو ،  مګـر ده  رسمی  ډنــډه  په   دولت  کښی  قبوله  نکړه  او  د خپل  په اسلامی  او ملی  ډول د خدمت  کولـو په  کار ؛  ډیـــر خــوښ  ؤ  .

زما پلار ته  مرحوم  نادر خان غازی  او مـرحوم  محمد هاشم خان  هم پوره احترام  او اخلاص  درلــود  ، حتی  د دی  د رحلت څخه  وروسته محمد هاشم خان  زمونږ  سره  دپــلار  ښه  نــوم  او شهرت  په وجهی زیاته  مینه  کـــوله .

 زمــا  پلار  په  ټــولو  مروجو علــومو  کښی  تدریس  کولـو ، خو  په منطق او حکمت کښی ئی  زیات شهرت  در لوده ، خو د عمر په آخـر و مرحلو کښی د ده  تصوف جذبه زیاته  شوه ، نوئی د « تفسیر ،حدیث ، فقهی ، او د تصوف د علومو  »  مطالعه زیاته کوله همدا وجه  وه  چی دی ته د تګاب مشهور متصوف «  اخندزاده  صاحب  » د «  قــادری » طـریقه  وکــړه ، دی  د  دی طــریقی  په  ټولــو اذکارو او ادوارو  کښی د  ما ذونــی  مرتبی  ته  رسیدلی ؤ ،  او د زیاتــو مریدانـو او مخلصانو  خـاوند  هـــم ؤ .

څنګه چی ده  ښه علم ، تصوف او تقوی در لوده  نو خلکو دی  مجبور کړ  چی  د لغمان  د ترګړو  مشهور او لـــوی مسجد  د خطابت  وظــیفه هم  په غاړه واخلی ، په دی مسجد  کښی ده زیات عمرد جمعی په ورځ موثری خطابی  ایراد   کړی  او د  ده  شهرت  د شاګردانـو او  مریدانـو دلیاری  په  ټول لغمان  او ننګرهار  بلکه  په ټول  افغانستان  کی زښت زیات  شو او له بلی خوا ، ډ یر ښه واعظ  او مبلغ  ؤ ، ډیـر ښه  آواز ، ښه سپیځلی  ګیره  او  څیره ئی  در لـوده  او د  ښه اخلاص  او  ګذاری خــاوند  ؤ ؛  نو همدا وجه  وه چی  هره  ورځ  له هری  خـوا  ورباندی د علمی او  روحی استفاده   لپاره  هجـوم  ؤ  ،  او د  ده  په  دیـــره  او حجره کښی  لنګر  چلیده  چی تر  اوسه  پوری  په  ټــول  مشرقی  ، په خصوص د لغمان  ولایت  کښی  زیات  خلک د  ده  «  علمی  بحثونه ،  مــوعـظی ، خطابی ، روحی ژونــد ، تقــوی ، پرهیزګاری ،  میړانګی،  اخلاص  او  محبت  »   معقولی  او نمونی  روایتوی  .  )

غــازی عبدالمجید  په  کـال  « ۱۳۲۰ هجری  شمسی   »  چه  د شپیتو کلونو  په شاو خوا کښی عمر در لــوده ، د ژمی په  موسم  کښی ناجوړ شو او دیو  څو ورځو  له  مریضی  څخه  وروسته  ، مهـربان  زړه ئی ودرید  او په  سبائی د هغــه جنــازه  په  ډ یــراعــزاز د هـغه د سلګونو « مـریدانو ، مخلصانو ، شاګـردانو او  دوستانو  »  له  خـــواه  پــورته شوه  او  د لغمان د ولایـت ، د عمـرزیــو د خیــرآباد  په هــدیره کښی ،  په  پوره  درنــاوی  خـا وروته  و سپارل  شو .

روح دی  ښـــاد  وی

said-afghani@gmx.de
stratgeitudies@csyahoo.com

د سعید افغاني د سولی او تفاهم نشراتي ارګان  
 د نشراتي بورد  تر څـارنی لاندی  خپریږی .

  مؤسس        :  د حق دلاری کلتوري مرکز
 مسؤول مدیر   :  برهـان الدین  « سعیدی »

د تأسیس کال