پروفیسور عبدالله جان بختاني خدمتګار « بابا »
د مینې په جواري کښي بختاني
نه يي زړه ویوړ
هستي چه يي له
وبښ زلمي ګټله دا
ویده وه
د مولوی محمد سعید
« سعید افغانی » لینکه
د ۱۳۲۵ هجری شمسي ـ کال ــ ننګرهار
استاد بختاني خدمتګار صاحب ؛ زمونږ د هیـواد اود سیمي مشهور نومیالي عالم ، لیکوال ، تکړه څیړونکي ، منلی شاعر
او اجتماعې شخصیت دۍ چه
د ویښ زلمیانو د حرکت سره سم چه
په کال « ۱۳۲۵ هجري شمسي د دلو په ۲۵ مه » په
ننګرهار کښي جوړه شوه ، تر اوسه
پوري د سولې ، تــرقې ، ورورې
او برابرې لپـاره اخلاصمندانه مبارزه کوي
استاد بختاني خدمتګار صاحب د ملا آقا جان طبیب زوی دی، د ۱۳۴۳ هجری قمری د لوی اختر د میاشتې په نهمه « عرفه » د ۱۳۰۴
هجری شمسی کال د سرطان په لسمه د چهار
ښنبې د ورڅې د څاښت په مهال د ننګرهار
ولایت د سره رود په چهار باغ صفا کښې زیږیدلی او نژدې تر شل کلني پورۍ هلته او سیدلی دۍ، ددي مودې په ترڅ
کښې یې پلار هلته طبابت کاوه . موریې د چهار باغ صفا او پلاریې د سره رود د بختان
کلي دۍ. اوس د کابل ښار د خیرخاني په
دریمه برخه کښې اوسي .
استاد بختانی خدمتګار صاحب خپلې لومړنۍ زده کړې په خپل کور کې له خپل مور
او پلار نه پيل کړي او بيا د نورو استادانو څخه يې پر مخ
بیولۍ دې .
عربي ديني علوم، فقه، تجويد، تفسير، حديث، اصول
فقه، اصول حديث، عقايد، ميراث، صرف و نحو، بديع، بيان، معاني، حکمت او منطق یې د
ننګرهار او کابل په اولسي خصوصي مدرسو کښي
، د کابل عربي دارالعلوم د نصاب په معيار لوستي دي او د « مولوي » درجې ته رسيدلى دى.
فارسي او عربي ادبيات، پخوانى طب او د رياضي
درسونه یې د هغه وخت د اولسي مدرسو په معيار سرته رسولي دي.
تاريخ، جغرافيه، فزيک، کيميا او بيالوژي يې « د بکلوريا په معيار » په شخصي توګه مطالعه کړي ده . په فلسفه، ټولنپوهنه،
سياست او سيکالوژئ کښې يې پراخه مطالعه کړې
ده .
د دینی علومو، ادبیاتو،
طب او ریاضی په برخه کې یې له نامتو او پیژندل شویو استادانو نه زده کړې ترلاسه کړی چې د ځینو نومونه یې داسې دی:
خپل مور او پلار، د سره رود د قلعه نو حاجی ملا مدد، د چهار باغ صفا د
حضرت صاحب د جامع جومات خطیب ملا محمد حفیظ، د حضرت صاحب د جومات د حافظانو
د مدرسې مشر استاد حافظ ملک، د جناب نقیب صاحب طبیب د علی خیلو ملا عبدالغنی ، د
سره رود د شمسه پور مولوی عبدالله جان، د خوگیاڼو د نکړخیلو د جامع
جومات خطیب مولوی میر عبدالواحد، لوګرى ملا عبدالودود معلم، د قاسم یکه
میرانو مولوی امین ګل، د لغمان د تیګړو د پشه ای کلی اوسیدونکى مولوی
عبدالرحیم، د لغمان مولوی فیض الله ، د جناب نقیب صاحب خلیفه او
د هغه د زامنو استاد مولوی محمد سعید سرروضه وال او ځینې نور.
انګریزی ژبه یې تر څلورم
ریډره پورې، د پغمان له ښاغلی محمد عمر قریشی معلم سره لوستې ده.
په پښتو ژبه کې څوک استاد نه لری او خپله د خپل ځان ښوونکى دى. په پښتو
شعر او ادب کې یې لارښود استادان ، استاد ګل پاچا الفت ، استاد قیام
الدین خادم ، استاد صدیق الله رښتین او استاد عبدالروف بینوا دى .
استاد بختانې
صاحب په روسی ژبه پوره بلدیت لری . له ۱۹۶۳ – ۱۹۶۴ میلادی
کال پورې د مسکو ښار د لومونوسوف په دولتی پوهنتون کې د روسی
ژبی او ادبیاتو زده کړه تر لاسه کړې ، او د ژبې د تدریس او درسی موادو د تیارولو د
میتود په برخه کې یې ډیپلوم اخیستی دى . د ترجمې د میتود کورس
یې هم هماغلته په بریالیتوب پاى ته رسولى دى
نوموړی د خپل
ژوندانه زیاته برخه د هیواد په علمی، تعلیمی، څیړنیزو، ادبی ،
ژورنالیستی او ملی خدمتونو کې تیره کړې ده، په دې لړ کې ٢٣ کاله په پښتو
ټولنه او ١۴ کاله د علومو
اکاډمۍ کې په علمی څیړنیزو فعالیتونو بوخت پاتې شوى دى.
استاد
بختانې خدمتګار صاحب د ١٣٢۵
هجری شمسی کال د وری په لسمه
د دولت د ماموریت لړۍ د ننګرهار ولایت د پوهنې مدیریت د ١١ مې
رتبې مامور په توګه پیل کړى ، په ١٣٢۶ هجری شمسی کال د
ننګرهار د مطبوعاتو په مدیریت کې د ننګرهار ولایت د
مرکز د مامورینو د پښتو کورسونو د استاد په حیث مقرر شو، دغه کورسونه
رسماً د پښتو ټولنې پورى مربوط وو .
د ١٣٣١ هجری شمسی کال د زمری په میاشت کې د زېری جریدې
مسئول مدیر او د پښتو ټولنى مسلکی غړى شو.
هغه د ١٣٣۴ کال نه تر ١٣٣٩ هجری
شمسی کال پورې په ترتیب سره د ننګرهار د مطبوعاتو د
مدیریت مرستیال او د پښتو کورسونو آمر ؤ ، چې پښتو ټولنى
پورې مربوط ؤ ، د ننګرهار مجلې مسئول مدیر، د مطبوعاتو د مستقل ریاست د
نشراتو د ریاست مسلکی غړى، د ننګرهار د مطبوعاتو لوى مدیر او د ننګرهار ورځپاڼې
مسئول چلوونکى او بیا دوهم ځل د ننګرهار مجلې مسؤول مدیر په توگه یې دندې تر سره
کړی دی.
په ١٣٣٩ هجری
شمسی کال کې د پښتو ټولنې مسلکی غړى شو. د دغې ټولنې د ادبیاتو لوى مدیر او
بیا د رئیس مرستیال شو او په ١٣۵۴ هجری شمسی کال کې یې د څیړندوى علمی درجه تر لاسه کړه. وروسته د
اطلاعاتو او کلتور په وزارت کې د هیواد ورځپاڼى مسئول مدیر، د پښتو د
پراختیا او پرمختیا د ادارې آمر ، د خلکو د فرهنګ ( فولکلور ) د ادارې آمر ،
د پکتیا د مجلې مسؤل مدیر، د هیواد د ورځپاڼى رئیس او سر محرر
په توګه وظیفې تر سره کړی دی.
په ١٣۶۴ هجری شمسی کال کې
د افغانستان د علومو اکاډمی علمی غړى شو ، دوه کاله د علومو اکاډمۍ د غړیتوب
سره د افغانستان د لیکوالو د ټولنې د ریاست مرستیال او لومړى منشی ؤ .
بیا د علومو اکاډمۍ د علمی غړی په توګه پاتې شوى دى . په ١٣٧٣ هجری شمسی
کال کې متقاعد شوى. بختانی خدمتګار صاحب د پورته یادو شویو دندو تر څنګ
وخت په وخت په ښونځیو او کورسونو کې د پښتو، دری او عربی ژبو
تدریس هم کړى او د کابل پوهنتون د ادبیاتو د پوهنځی د پښتو ادبیاتو د تاریخ د
استاد په حیث خدمت کړى دى.
په ١٣٨٢ هجری شمسی
کال کې یو څه موده د افغان یووالی د اونیزې مسؤل مدیر و، او په هماغه کال د
علومو اکاډمۍ د ضرورت له مخې تقاعد یې ترفع او د ١٣٨۵ هجری شمسی کال د
وږی میاشتې تر پیله پورې یې د دې اکاډمۍ د مشر علمی غړی په توګه خپلو علمی
وظایفو ته دوام ورکړى او بیا تقاعد ورکړى شوى دى. د استاد وروستۍ دولتی رتبه
مافوق ده.
استاد بختانی
صاحب په ١٣۵۵ هجری شمسی کال
کې د پښتو ټولنې لخوا د څیړندوى لوړه علمی درجه تر لاسه
کړې، وروسته د علومو اکاډمئ لخوا دغه علمی درجه د سر
محقق په علمی درجه واوښتله او په همدې درجه ومنل شو، چې دغه درجه د
پوهنتون د پوهاند یا « پروفیسر » د درجې سره معادله
ده.
د استاد دزبږدو اتیا
یمه کلیزه د افغانستان د علومو اکاډمې ، لخوا په یوه درنه
علمی غونده کښی نمانځل کیدله ، د افغانستان د علومو اکاډمی لوی ریس
پخپله پرانبستو نکی و ینا کښی وعده ورکړه چه نوموړی استاد ته د
« اکاډمیسن » د علمی درجې دورکولو په باب لوړ
و مقاماتو ته وړاندیز کوې . د غونډی د برخه والو له خوا ددی وعدی
هرکلی په چکچکو او لولو سره وشو ، مګر په عملی او رسمی توګه
لایی درک معلوم نه دۍ . چه د حق د لاری
د کلتوری مرکز او د
افغان ستراتیژیک څیړنې مرکز هیله لری
چه د استاد بختانی خدمتګار صاحب
؛ دا علمی درجه « اکاډمیسن
» په هکله ، لوړ مقامات جدی توجه وکړی .
استاد بختانی صاحب ؛ د
هیواد او سیمی مشهور دانشمند ، د ژبو ، ادبیاتو او تاریخ تکړه څیړندوی ، منلی شاعر
، ماهر ژونالیست او فرهنګی ټولنیز ملی شخصیت دی .
هغه په پښتو او دری ژبو
نظم او نثر لیکی او څیړنې کوی . له عربی او روسی ژبو څخه
یې علمی څیړنیزې او ادبی ترجمعی کړی دی . د سلو په شا و خوا کښی علمی
او ادبی آثار تالیفات او تر جمې لری او تر زرو زیاتې ټولنیزی او سیاسی
مقالې او مرکې یې د هیواد او بهرنیو هیوادنو په رسنیو کښې
خپرې شوی دی .
استاد بختانی صاحب د
هیواد او بهر په ډیروعلمی ، ادبی څیړنیزو غونډو، سیمینارونو، سمپوزیمونو او
کنفرانسونو کښی فعاله برخه اخستی ده . او په دی لړ کښې یی پخوانۍ شوروی
اتحاد ، پاکستان ، هنوستان ، عراق ، المان ،چکوسلواکیا او پولیند ته علمی
فرهنګی سفرونه کړې دی .
استاد بختانی صاحب
په ۱۳۸۵ هجری شمسی « ۱۴۲۷ » هجری قمری کال ،
عربستان ته د حج فریضی د ادا کولو لپاره ولاړ . اوس یو نوی کلن
دۍ ، په سپینه ژیره په ډیر شوق ا و ذوق مطالعه کوی ، قلم چلوی ، دعلم او ادب په خدمت
بوخت دی .
درس ورکوی د علومو د اکاډمۍ د یو شمیر غړو د علمی پروژو
لارښودنه کوی او په ژبنیو ، ادبی ، ټولنیزو او سیاسی چارو کښی ځانله مستقل
فکر او دریځ لرې . هغه ته د الله پاک له دباره روغتیا او
با ثمره اوږد ژوند غواړو او د چاپ په اعتبار ، په کرونولو
ژیکه بڼه د هغه د تالیفاتو نومبنود وړاندې کوو:
د سرمحقق بختانی خدمتګار یو لړآثار
ــ په اسلام کښې د ښځو
حقوق – د مصرد (المنار) د جریدې د مدیر، رشید رضا، د (الوحى المحمدی) له کتاب څڅه
ترجمه د ١٣٢٧ هـ ش چاپ
ــ مصایب الدخان (د
تمباکو زیانونه) د مصر د (الازهر)
ــ د استاد سید محمد
عبدالغفار الهاشمی الافغانى د عربی کتاب ژباړه – د ١٣٣٢ هـ ش چاپ . دوهم ایډیشن له
زیاتونو سره بیا ترجمه د ١٣۴٨ هـ ش چاپ
ــ اراده – (روحیات) – د
پروفیسر غلام حسن مجددى له دری لیکنې نه ژباړل شوی او د آریانا دایرة المعارف د یو
شمیر نورو لیکنو ژباړه – د ١٣٣٢ هـ ش چاپ
ــ شعر او ادب د
پښتو د معاصر شعر او ادب تیوریکی څیړنه ټولونه ، سریزه او اهتمام د ١٣٣٣ هـ ش چاپ
ــ د زړۀ راز د
شعرونو لومړئ مجموعه د ١٣٣۵ هـ ش چاپ .
ــ پښتانه د علامه اقبال په نظر کښې ١٣٣۵ هـ ش
ــ میرزا عبدالرحیم
رحیمى ( احوال و اشعار ) بزبان درى ١٣٣۵ هـ ش . چاپ دوم با افزونى ها ١٣٨٠ هـ ش
ــ
پښتنی خویونه _ ادبی ټولنپو هنیزه څیړنه ١٣٣۵ هـ ش
ــ د ملنگ جان خوږې
نغمې ټولونه ، سمون ، سریزه او ترتیب ١٣٣۵ هـ ش . دوهم چاپ له
زیاتونو سره ١٣۴٨ هـ ش
ــ خوږې ترخې د
ادبی او انتقادی نثرونو مجموعه د ١٣٣۶ هـ ش چاپ
ــ سیدو
ملنگ موزیکال اصلاحی ډرام په څلور وپردو کښې په ننگرهار نندارې
کښې ښودنه : ١٣٣٨ هـ ش په کابل کښې چاپ ١٣۴١ هـ ش
ــ علمی آزمېښتونه په
ساده وسایلو ساینسى درسی مرستیال – د موریس پارکر لیکنه – د استاد غلام علی
آیین له دری ترجمې نه پښتو شوی – ١٣۴١ هـ ش
ــ راز د
شعرونو دوهمه مجموعه ١٣۴٢ هـ
ــ پښتو کلی څلورم
ټوک درسی ١٣۴۵ هـ
ــ شرنگ د
شعرونو درېیمه مجموعه ١٣۴۶ هـ ش
ــ معاصر
ادیبان تذکره ١٣۴٧ هـ ش
ــ توربریښ
د پښتنو ملی تاریخی شفاهی سندرې ټولونه ، ترتیب او سریزه
١٣۴٧ هـ ش دوهم
چاپ ١٣٨٧ هـ ش
ــ پښتو لنډې
کیسې د لنډو د استانونو مجموعه ١٣۴٧ هـ
ــ
د خوشحال خان خټک ربا عیات دا کادمیک متن جوړونه له ملگرو
سره ١٣۴٩ هـ ش
ــ د پښتو ټولنې رئیسان او غړی ( تذکره ) ١٣۴۶ هـ ش
ــ ابربهارى
د دری شعرونو مجموعه ١٣۵١ هـ ش
ــ مرغلرې د
ادبی نثرونو مجموعه ١٣۵١ هـ ش
ــ د پښتوپت
د لنډو د استانونو مجموعه ١٣۵٢ هـ ش
ــ دیونس خیبری دیوان _
نقل ، سمون ، سریزه ، اکادمیک متن او اهتمام ١٣۵۶ هـ ش
ــ دپادری هیوز کلید
افغانى سریزه ، تعلیقات او لغتنامه ١٣۵۶ هـ ش
ــ پښتانه شعرا ء څلورم
ټوک تذکره ١٣۵٧ هـ ش
ــ د افغانستان سفر له
روسی نظم څخه پښتو منظومه ترجمه ١٣۵٧ هـ ش
ــ پښتو چاپی
آثار ټولونه ، اوډنه او سریزه ١٣۵٧هـ ش
ــ د گلوکر د شعرونو پنځمه
مجموعه ١٣۵٩ هـ ش
ــ څورب او خوار
له روسی څخه د انتون چیخوف د داستانونو ترجمه ١٣۵٩ هـ ش
ــ د زړه آواز د
شعرونو انتخابی مجموعه ١٣۶٣ هـ ش
ــ شفق د شعرونو مجموعه ١٣۶٣هـ ش
ــ تذکرة الشعرا
ء تدوین ، سریزه او حواشی ١٣۶٣ هـ ش
ــ د باچا خان لیکونه لومړى ټوک
ټولونه ، اوډنه ، سریزه او حواشی ١٣۶٣ هـ ش
ــ زمونږ وطن د جرگو
وطن تاریخی ١٣۶۴هـ ش
ــ د سولې اوآز ادئ
قهرمان خان عبدالغفار خان تذکره ١٣۶۶ هـ ش
ــ د بابا
مشالونه د باچا خان وجیزې انتخاب ، ټولونه او سریزه ١٣۶۶ هـ ش
ــ د اخلاص
هدیه د خان عبدالغفار خان په باره کښې شعرونه ټولونه ،
اوډنه او سریزه ١٣۶۶ هـ ش
ــ د سولې او تفاهم د
لیارې مبلغ دوکتور سعید افغانى، د دوهم تلین په ویاړ. تذکره ١٣۶۶هـ ش
ــ پښتانه شعرا ء پنځم
ټوک تذکره ١٣۶٧ هـ ش
ــ سوله او سلام د اسلام
په رڼا کښې دینی څیړنه ١٣۶٧هـ ش
ــ د خان عبدالغفار خان
اندونه او انځورونه ټولونه ، اوډنه او سریزه ١٣۶٨ هـ ش
ــ د پاکستان اسلامی
ماهیت . . تاریخی ١٣۶٨هـ ش
ــ د ملی ادب اوژور
نالیزم خادم د استاد قیام الدین خادم تذکره ١٣۶٨ هـ ش دوهم
چاپ ١٣٨۶ هـ ش درېیم چاپ ١٣٨٧ هـ ش
ــ فراقنامه
منظومه ١٣٧٨هـ ش
ــ زما استاد الفت تذکره او ادب
څیړنه ١٣٨٠هـ
ــ خوشحال خان او یو
څوفرهنگیالی خټک تذکره او ادب څیړنه ١٣٨٠ هـ ش
ــ گلنامه
بولـله ١٣٨١هـ ش
ــ د ملی ادب او ژور نالیزم
یو هیر شوى خدمتگار شمس الدین قلعټکى تذکره ١٣٨١هـ ش
ــ ترنم دل ــ مجموعۀ
اشعار درى ١٣٨١هـ ش
ــ ویرنې د شعرونو
مجموعه ١٣٨١هـ ش
ــ خدمتگار د فقیر خېل
په کتب خانه کښې خاطرې او څیړنى ١٣٨٢ هـ ش
ــ د قرآن شریف ځینې خطی
نسخې تجویدونه ، تفسیرونه ، مفسران او مدرسى ١٣٨٣هـ ش
ــ د بیاض دیوان نقل
سمون حاشیې او سریزه ( اکاډمیک متن) ١٣٨٣ هـ ش
ــ زه ، ملنگ جان او
خوږې نغمې تذکره او خاطرې ١٣٨٣ هـ ش
ــ د باچا خان
لیکونه ټولونه ، اوډنه ، سریزه او حواشی ١٣٨۴ هـ ش د لومړی او دوهم ټوک یو ځاى دوهم چاپ
١٣٨٧ هـ ش
ــ بشربت مجبور ورنجور
در آستانه هزارۀ سوم میلادىاجتماعى سیاسى ١٣٨۴ هـ ش
ــ پښتو پالنه او ژب
څیړنه ١٣٨۴ هـ ش
ــ حماسه ویونکى مبارز
شاعر اجمل خټک ایډیټ ، سریزه او اهتمام ١٣٨۴هـ ش
ــ د سید جمال الدین
افغان د ژوندانه هدف ١٣٨۵ هـ ش
ــ د هیلې د هیلئ سپین
وزر بدیعی ترجمې ١٣٨۶هـ ش
ــ ددین ستورى مولانا
نجم الدین دهډی اخوانزاده ١٣٨۶هـ ش
ــ ستارۀ دین مولانانجم
الدین اخونزاده هده ترجمۀ محترم فضل الرحمن فاضل ١٣٨٧ هـ ش
ــ د سپین غره په لمنو
کښې سیاسی ، ټولنیزې لیکنې ١٣٨۶ هـ ش
ــ شجرۀ پیر پټان
مرتب : غلام حبیب نوابى تصحیح ، تنقیح ، ایډیټ ، مقدمه و اهتمام ١٣٨۶ هـ ش
ــ د گلکڅونو په ارمان د
څلوریزو مجموعه ١٣٨٧هـ ش
ــ پیر افغانان د حکیم
الله تصور لیکنهایډیت ، سریزه او چاپڅارنه ١٣٨٧
ــ بازتاب رویداد هاى
تاریخى در سروده هاى اولسى پشتو ١٣٨٧هـ ش
ــ دوه ادبی
لیکونه ١٣٨٧ هـ ش
ــ د کوشانى دورې ځینې
یادگارونه تاریخی ، لرغون پوهنه ١٣٨٧ هـ ش
ــ د حج سفر کیسې او
خاطرې ١٣٨٧ هـ ش
ــ فخر افغان او
افغانستان ١٣٨٧ هـ ش
ــ ابن سینا ادیب
طبیب ١٣٨٨ هـ ش
ــ د نارنج بهار تاریخی
، ادبی ، څیړنیز او طبی ١٣٨٨ هـ ش
چاپ لاندې
ــ تازه گلونه د
معاصرو شاعرانو د شعرونو انتخابی مجموعه انتخاب ټولونه ،
سمون ، اوډنه او اهتمام
ــ اقبال ، افغان
او افغانستان
ــ رسالۀ (تعاملات
حقوقیه و جزائیه ملى نگارش عبدالرحمان پژواک . استنساخ ، تصحیح ، تنقیح و پیشگفتار
ــ یودوه گوتې
کاغذ ــ د خدمتگار مکاتبې
ــ د خدمتگار د اشعارو
کلیات
ناچاپه آثار
ــ د مرغلرو
لټون ادب څیړنه
ــ دستور وانجمن
ادبی څیرې او څیړنې
ــ د کتابو کتنه
بیبلیو گرافی
ــ پښتانه شعرا، شپږم
ټوک تذکره
ــ پښتانه شعرا ، اووم
ټوک تذکره
ــ تذکره نویسئ معاصر به
ارتباط شعر درى در افغانستان
ــ دیوان خلیفه قاسم
قاسمی چهار باغى نقل ، تنقیح ، مقدمه و
ــ در گسترۀ ادب درى ،
پژوهشهاى ادبى
ــ د ملی شاعر ژوند او
هنر ــ د ملنگ جان په باره کښې
ــ رنگین غوندې
عذاب ــ د اجمل خټک ژوند اوفن
ــ د خدمتگار طبی لیکنې
ــ د هیواد د بیا رغولو په
هیله ټولنیزې سیاسی لیکنې
ــ د احمد گل شاعری
ــ د ملک نعیم سندری
ــ د بینا د وړو لوبې
ــ د خاطراتو دفتر
ــ
افغانستان د شعرونو مجموعه
ــ تشد د او
نفرت څلوریزې
ــ د زړه
زخمونه بوللـه
ــ د میراث ضابطه
فقهی
ــ ویښ زلمیان «
کار لاندې »
ــ د شوروی اتحاد سفر
ــ یوه هفته په
اوزبکستان کښې
ــ د چکوسلواکیا او
پولیند سفر
ــ د عراق سفر
ــ د بن سفر
ــ چکچکستان زنده باد ــ
خاطرې
ــ د خدمتگار د کتابخونې
خطی او نادرې نسخې بېبلیو گرافی د کار لاندې
د مولانا سعید افغانی د
سولې او تفاهم ، نشراتي ارګان
نشراتي
بورد
|