د سعید افغاني : آزاده ، ټولنیزه ،علمي ، فرهنګي  او نشراتي ارګان  ته  ښه راغلاست!
سایرنشرات  هـدف ارگان اعـلانات مرکزاستراتیژیک ورزش شخصیت های فرهنگی  ارشیف کتب اسلام   صفحه سعیدافغانی صفحه اصلی

     

النجـــــــــم 

ګڼه «   ۶  »  چهارشنه  د  ۱۳۳۷ کال  ،  د قوس  «    ۵  »
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

النجـــــــــم 

   ګڼه « ۶»   چهارشنه  د  ۱۳۳۷ کال  ،   د  قوس  « ۵»   

مصلح « مجاهد »

د  سعيد افغاني  لیکنه :

۳ــ د ده هــويت قــوم او نسب :

اصلى  او فرعى مسکن او ځايونه ئى :

ملا نجم الدين  « اخند زاده  صاحب »   په قوم  کاکړ او په مليت افغان  دى  په اصل د جنوبى    شپلګر د علاقى نه دى ، او هم هغلته  د دنيکونه  او پلرونه  تير شوي .

دى بيا دتحصيل  او زده کړى په وخت  کښط  د جنوبى نه مخ  په مشرقى  ننګرها  را روان   شوى  په ننګر هار  کښې  ځاى په ځاى  ديره  شوى او تحصيل ئى کړى  دى.  

د تحصيل  دپاره  افريدوته  هم تلى ،  پيښور او صوات کښې  هم اوسيدلى  دى.  ده  دتحصيل  نه ورسته  مخ  په  خپل  وطن افغانستان  روان شوې  او په هډه  کښې  اقامت اختيار کړى ؤ .

لکه  مخکښې  چه مو وويلى  د ځينى سياسي  معاذيرو په  وجه  کابل  ته غوښتل  شوى ؤ  دکابل  په ښار  تندور  سازى  کښې  او سيدلى  او بيا  دکابل  نه مخ  په ننګر هار  تلى او مهمندو  په علاقه  په جړوبى ،  او چمرکنډ کښې ‌  استوګنه  کړي  ده .

په ننګرهار  کښې  په روداتو  کښې  څه  موده تيره  کړي  او هلته  په فقير آباد  او نورو  روداتو  او شينوار کښې  ګر ځيدلى  .   په لغمان  او  سور رود   او کامه  او خو ګياڼو کښې  هم د وعظ  او تبليغ  او يا دنورو  مقاصدو په  مطلب  تلى دى ،  دګرمي   په وخت  کښې  دى  به کابل  ته هــم  تلو او هلته  په  پغمان  کښې  څه موده ئې  استو ګنه  کړى  ده .

دى  په  شمالى  کښې  د کوه دامان  خواته د داؤد ځو په علاقه  کښې   اوسيدلى او شايد  چـه هلته  به  د کــوه  دامــان  په ځينو  ځايو کښې  ګــر ځيدلى وى ،  مګر ؛ د ده  د حيات  اخرنى  شپى  او  ورځـې  د ننګرهار  په علاقه  د جلال کوټ  نه  درى  ميله مخ  په جنوب هــډه  کښې  تير  شوى  دى .

دى شايد  په نورو ځايونو  کښې  هم  ګر ځيدلې   او يا او  سيدلى  وى  مګر ؛ مونږ نه  دى اوريدلى ،  نو ځکه  دليکو  جر ئت  نه کؤو .

د ده تحصيل او علم :

مخکښې  مو وويل  چه دى د تحصيل  دپاره  زيات  ګرځيدلې او په ډيرو  ځايونو کښې او سيدلى دى .

وائى چه  اخند زاده  صاحب ډير  پوه  او ښه  معقول عالم ؤ  په  تفسير ، او حديث ، قرائت ، صرف، او نحو ،  او فقه ،  او اصول ،  او معانى ،  منطق ،  او  هيئت  او رياضى ، او حکمت ،  او ميراٍ ،  او حساب  او  تصوف ...   .

ادامه لری

 

اتمه ګڼه اومه ګڼه شپږمه ګڼه پنڅمه ګڼه څلورمه ګڼه دریمه ګڼه دوهمه ګڼه اوله ګڼه

بازگشت  یه صفحه  اصلی بازگشت به صفحه  النجم
گرانـو وطنوالو او درنو لوستونکو!  

که چیري غواړې  چه ستاسو «  ادبي ، عرفاني ،  فرهنګي او کلتوري » مطالب  په دې نشراتي 
پاڼه کې خپاره شې ،   نو په  دې  توګه ستاسو  نه  په ‌ډیره درناوې هیله کیږې  چې
خپل لیکل شوې مطالب  په  لاندې  بریښنا لیک « ایمل » مونږ ته  راولیږې .

said-afghani@gmx.de
stratgeitudies@csyahoo.com

د سعید افغاني د سولی او تفاهم نشراتي ارګان  
 د نشراتي بورد  تر څـارنی لاندی  خپریږی .

  مؤسس        :  د حق دلاری کلتوري مرکز
 مسؤول مدیر   :  برهـان الدین  « سعیدی »

د تأسیس کال  

  د حوت اومه ،  د  ۱۳۸۸ هـجری شمسي ـ  کال  
   د  فبروری  ۲۶  ،  د  ۲۰۱۰  میلادي   ــ کال    

هره  لیکنه  د لیکوال خپل نظر  دی  او خپله  دلیکوال اند  څرگندوي
استفاده از مطالب سایت «  ارگان نشراتی  صلح و تفاهم  سعید افغانی »  با ذکر مأخذ آن آزاد است