ژوندون  څه  دی؟

دا  ژونــدون  يـــو امتحان  دی

چاتــــه سخت  چاته اسان   دی

چي   پــه سمه لار کې  سم  وي

ورتــــه  فضل  د  سبحــان  دی

د بــــد کارو  بـــد انجام  وي

رياکار  کله  نيک نـــام  وي

چي  د ښو تمه تـــرې نه وي

کور  او کلي  کې  بدنام  وي

دنيا سيند  پـــه څير  بهيږي

د ښو  ښه نوم  پــاته کيږي       

چي  عبث  ترې ځې  وختونه

خپل  مقصد  ته  نه  رسیي

ژونــــدون  نـــلري  بــقا تل

وي  انجــــام  د ابتدا  تــل

څو دې وس رسي نيکي کړه

چې  فــــاني  ده  دا دنيا   تل

ته د  پــــوهې  تـــرفدار  شه

ښه  تعليم  وکړه هوښيار  شه

د  دنيا   په  کار  او زيار  کې

لږ  همت  وکـــړه  بيدار  شه

 ٭٭٭٭٭٭

دغه  وار  پــــه  تيريدو   دي

 بس  فرصت  د څه  شيبو  دي

غـــافــــل   نشې  د  ايــــامــه

چې  ايـــام  درنـــه  په  تلو  دي

سميع الدين «  افغاني »

د سعید افغاني د سولی او تفاهم نشراتي ارګان  
 د نشراتي بورد  تر څـارنی لاندی  خپریږی .

مؤسس    :  د حق دلاری کلتوري مرکز
مسؤول مدیر: برهـان الدین  « سعیدی »

د تأسیس کال: