|
د زرلښت « حفيظ » لیکنه
نیټه : ۲۳ـ۹ـ۲۰۱۰ م ـ کال
د ماين اشف په ښار کې د کلتوري غونډې راپور
فرانکفورت ته نژدې دجرمني دماين اشف دښارګوټي په مرکزي تالار(
ماين تال هله ) کې د٢٠١٠ م کال دسپتامبرپه
١٩مه نيټه دميشتومهاجرينو دورځې
په اړونديوه ادبي
اوکلتوري غونډه وشوه چې په نوموړي غونډه کې د مـاين اشف په ښارګوټي کـــې د ميشتو
بيلا بيلو نژادونو ليکوالانو ، شاعرانو او
فرهنګيانو ته د نوموړي ښار د ښاروال له خوا بلنه ورکړ شوې وه ٠
د هر هيواداستازوپه خپل وارسره دخپل پلرني هيواد دکلتورپه پيژندنه او معرفت کې
برخه والو ته توضیحات ور کړل ٠
همدارنګه نوموړې غونډې ته ښاغلي سميع الدين
افغاني هم د يو افغان شاعر او ليکوال په توګه
د
ښاروال له خوا وربلل شوی وو ٠
په دی غونده کې دافغاني صيب شعری
مجموعې، د افغاني سندرغاړو
په خوږ آوازونو کې د هغه شعرونه،دبعضې اشعاروانګلیسي اوألماني ژباړنې، افغاني لباسونه
اوکلتوري توکې په نمایش ایښودل شوي وو.
ښاغلي افغاني د غونډې برخه والو ته خپل يو
څو شعرونه واورول چې البته په جرمنۍ ژبه ژباړل کيدل ٠
همدا رنګه د ښاغلي افغاني يوڅوشعرونه چې
دهيواد دخوږ ژبوسندرغاړوله خوا ويل شوي دي برخه والو ته د سينما په پرده هم و ښودل
شول چې له عمله يې د نـــوموړي ښار د ښاروال له
خوا
ښاغلي سميع الدين افغاني ته هغه تحفه او ډالۍ چې ورته برابره شوې وه د مراسموپه
ترڅ کې ورکړل شوه.
پورتنۍ غونډه چې د غرمې پر دوو بجو پيل شوې وه د مــاښام په شپږو بجو پای ته
ورسيده ٠
زرلښت « حفيظ »
۱۹ـ ۹ـ ۲۰۱۰ میلادی
ــ کاناډا
ښاغلی سميع الدين افغاني د غونډې ګډونوالو
ته دخپلو ادبي ليکنو او افغاني کلتور دمعرفت
په حال کې ٠
هغه اشعار چې افغاني صيب د غنډې ميه والو ته
واورول ٠
د وطن پــــه یاد
پــــه وطـــن موجوړماتم دی
تــورتمونو کې مو شپې دي
دا د کـــــوم ظــــــــالم له لاسه
چه ظلونو کې مو شپې دي
*** ***
ګـــران وطن راته سوراورشو
دوزخ لمبې
تــــــري خـــیژي
بــــل محشر ته حاجت نه شته
قیامتونو کې مو شپې دي
دا د کـــــــــــوم ظالم له لاسـه
چي ظلمونو کې مو شپې دي
*** ***
د کــــــابــــل هـــــره کــــوڅــه مو
ښکلي ښکلي خــــــــاطرې دي
اوس یې وران اوویجاړګورم
ګــــړنګونو کې مـــو شپې دي
دا د کـــــــــــوم ظالم لــــــه لاسه
چي ظلمونو کې مو شپې دي
*** ***
زوړ او ځوان مو شهیدان شول
څــوک بې پلاره څوک بې موره
د چا کور جوړ قــــــــبرستان شو
زیــــــــــارتونو کې مو شپې دي
دا د کـــــــــــوم ظالم لــــــه لاسه
چـي ظلمونو کې مو شپې دي
*** ***
افغانان ټول تار او مار شول
څوک په کوزاوڅوک په بردي
په وطن کې چې اوســــــــــیږي
ماتمونو کې یې شپې دي
دا د کـــــــــــوم ظالم لــــــه لاسه
چـي ظلمونو کې مو شپې دي
*** ***
داســـلام پــــــه تــــــمه تــــــمه
د کــــــــــافرو کانــي وشــــــوې
هـــــــــــــیڅ تمیزکـــولای نه شو
په چــــرتونو کې مو شپې دي
دا د کـــــــــــوم ظالم لــــــه لاسه
چـي ظلمونو کې مو شپې دي
*** ***
دنـــــــــــــیا ټـــوله راته خاندي
موږ په چیغو چـــــــــیغو ژاړو
څه سپین سترګې دنیاګۍ ده
سیاستونو کې مو شپې دي
دا د کـــــــــــوم ظالم لــــــه لاسه
چـي ظلمونو کې مو شپې دي
*** ***
افــــــــــغانی وطن به جوړ شي
که د خدای مــــــــــــهربانـــي وه
د پــــــردو لاس بـــــــــــه لنډیږي
امــــــــــیدونو کې مو شپې دي
دا د کـــــــــــوم ظـالم لــــــه لاسه
چـي ظلمونو کې مو شپې دي
سمیع الدین « افغاني »
|
